އިންޑިއާގައި 1 ބިލިއަނަށްވުރެ ގިނަ މީހުން ނޮވެލް ކޮރޯނާ ވައިރަސް (ކޮވިޑް-19) ވެކްސިން ޖަހައިފި އެވެ.
އިންޑިއާގެ ސިއްހަތާބެހޭ ވުޒާރާއިން ހާމަކުރާ ގޮތުގައި ވެކްސިން ޖެހި މީހުންގެ އަދަދު 1 ބިލިއަނަށް އެރީ މިއަދު ހެނދުނު 10 ޖަހަން ގާތްވެފައި ވަނިކޮށްނެވެ.
އިންޑިއާ ސަރުކާރުން ބުނާގޮތުގައި މި އަދަދާއެކު، އެގައުމުގެ ވެކްސިން ޖަހަންޖެހޭ އާބާދީގެ %75 މީހުންނަށް ވެކްސިންގެ ފުރަތަމަ ޑޯޒް ފުރިހަމަ ކުރެވިފައިވާކަމަށެވެ. އިންޑިއާގެ އަމާޒަކީ މިއަހަރުގެ ތެރޭގައި ވެކްސިން ޖަހަންޖެހޭ އުމުރުގެ 944 މިލިއަން މީހުންނަށް ވެކްސިން ޖަހާ ނިންމުމަށެވެ.
ADVERTISEMENT
1 ބިލިއަން ޑޯޒް ވެކްސިން ފުރިހަމަކުރެވުމާއި ގުޅިގެން އިންޑިއާގައި މިއަދު ދަނީ އެކި ފެންވަރުގައި މިކަން ފާހަގަކުރަމުންނެވެ.
