އއ. ރަސްދޫގައި ރަޖިސްޓްރީނުކޮށް ހިންގާ ސްޕާއެއްގައި ހަށިވިއްކާ ކަމުގެ ތުހުމަތުގައި ތިން ބިދޭސީއަކު އިއްޔެ ހައްޔަރުކޮށްފި އެވެ.
ފުލުހުން މިރޭ ބުނީ އިކޮނޮމިކް މިނިސްޓްރީގައި ރަޖިސްޓްރީނުކޮށް، ރަސްދޫގެ ސާހިލްގޭގައި ސްޕާއެއްގެ ނަމުގައި ހިންގަމުން އަންނަ "ބްލޫ ވެލި ސެލޫން އެންޑް ސްޕާ"ގައި ބިދޭސީ އަންހެނުން ބޭނުންކޮށްގެން ހަށިވިއްކާ ކަމަށް ތުހުމަތުކުރެވޭ މައްސަލައެއް ރޭ ދަންވަރު 12 ޖަހަން ކައިރިވެފައި ވަނިކޮށް ރިޕޯޓްކޮށްފައިވާ ކަމަށެވެ.
އެ މައްސަލައާ ގުޅިގެން ކޯޓު އަމުރެއްގެ ދަށުން އެ ސްޕާ ބަލައި ފާސްކޮށް، ހަށިވިއްކާ ކަމުގެ ތުހުމަތުގައި 42 އަހަރުގެ ބިދޭސީ އަންހެނަކާއި 27 އަހަރުގެ ބިދޭސީ އަންހެނެއް އަދި 28 އަހަރުގެ ބިދޭސީ ފިރިހެނަކު ހައްޔަރުކޮށްފައިވާ ކަމަށް ފުލުހުން ބުންޏެވެ.
ނަމަވެސް، އެއީ ކޮން ގައުމެއްގެ ބައެއް ކަމެއް ފުލުހުން ނުބުނެ އެވެ. އަދި އިތުރު ތަފުސީލެއް ވެސް ނުދެ އެވެ.
ފުލުހުން ބުނީ މި މައްސަލަ ތަހުގީގުކުރަމުން އަންނަ ކަމަށެވެ.
