ސްޓޭޓް ޓްރޭޑިންގ އޯގަނިޒޭޝަން (އެސްޓީއޯ)ގެ މެނޭޖިންގ ޑިރެކްޓަރ އަމްރު މުހައްމަދު ރަޝާދުގެ ޕްރޮގްރާމްތައް ޓީވީއެމް އިން ދެއްކުން ރައީސް އޮފީސް އިން މަނާ ކޮށްފިއެވެ.
އެސްޓީއޯ އެމްޑީ ތާއިދު ކުރައްވަނީ، އެމްޑީޕީގެ ރައީސް، ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ "ފިކުރެއްގެ ދިރުން" ފެކްޝަނަށެވެ.
"ވަގުތު"އަށް އެނގިފާއިވާގޮތުން މިރޭ 9:00 ޖަހާއިރު އޮތް ރާއްޖެ މިއަދު ޕްރޮގްރާމް ގައި ދެއްކުމަށް އަމުރުގެ އިންޓަވިއުގެ ރެކޯޑިންގ ހަދާފައި ވަނީ މިއަދު ހެނދުނު 10:30 އިން 11:00 އާ ދެމެދު އެވެ.
ނަމަވެސް ރެކޯޑިންގ ނިމުނު ފަހުން ރައީސް އޮފީހުން ވަނީ އަމުރުގެ ޕްރޮގްރާމް ދެއްކުން މަނާ ކޮށްފައެވެ.
Our CEO and MD, @HusenAmr will be going live on @psmnewsmv #RaajjeMiadhu program tonight at 21:00hrs. #StayTuned 😄#MySTO pic.twitter.com/VPgide9zAd
— STO (@stoplc) March 25, 2023
އަދި އެ ޕްރޮގްރާމްގެ ބަދަލުގައި މިރޭ ދައްކަމުން ދާނީ ރިޕީޓް ޕްރޮގްރާމެކެވެ.
މިކަމާއި ގުޅިގެން ޓީވީއެމް އިން ވެސް އަދި އެސްޓީއޯއިންވެސް ވަކި އެއްޗެއް ހާމަކޮށްފައެއް ނުވެއެވެ.
