އޭޕްރީލް 16 ވަނަ ދުވަހު ކުޅުދުއްފުށި ސިޓީގައި ހުރި ކެމްޕެއިން އޮފީހެއްގައި ރޯކޮށްލިކަމަށް ތުހުމަތުކުރެވޭ މައްސަލައަކާ ގުޅިގެން މީހަކު ހައްޔަރުކޮށްފިއެވެ.
އެކަމާއި ގުޅޭގޮތުން ފުލުހުން ބުނީ ކެމްޕެއިން އޮފީހުގައި ރޯކޮށްލި ކަމުގެ ތުހުމަތުގައި އޭޕްރީލް 25 ވަނަ ދުވަހުގެ މެންދުރު 2:55 ހާއިރު މީހަކު ހައްޔަރުކޮށްފައިވާކަމަށެވެ. ހައްޔަރުކޮށްފައިވަނީ އުމުރުން 31 އަހަރުގެ ދިވެހި ފިރިހެނެކެއެވެ. އެމީހާ ކޯޓު އަމުރެއްގެ ދަށުން ފުލުހުންގެ ބެލުމުގެ ދަށަށް ގެނެސްފައިވާކަމަށް ފުލުހުން ބުނެއެވެ.
ފުލުހުން ބުނީ މިމައްސަލަ އިތުރަށް ތަހުގީގުކުރަމުން އަންކަމަށެވެ.
