ގައުމިއްޔަތުގެ އަރުކާނަކީ އެބަޔަކު އެނގޭންހުރި ބައިތަކޭ
ގައުމީބަހާއި ސަގާފަތާ އެބައެއްގެ ހުރިހައި ސިފަތަކޭ
ކަންވެރިކަމާ ބޭސްވެރިކަމާ މަސްވެރިކަމާ އެކި ކެޔޮޅުކަން
ފަންނިއްޔަ މޮޅު މާވަޑިކަމާ ކުޅިވަރު ކުޅުނުހައި ގޮތްތަކޭ
އެކުވެރިކަމާ އަޚުވަންތަކަން ދެނެހެއްޓުމަށްދިން އިސްކަމާ
އެކުލެވި ޚުލުޤުގައި ލާމެހުނު ރަޙުމުގެ އަސާސީ ސިފަތަކޭ
ރަށްފުށުގެ ދިރިއުޅުމުގެ ތެރޭ ކިޔަމަން ވެރީންނަށް ވީގޮތާ
ފައްކާކުރާ ޅަދަރީން ބޮޑުވެ އުޅެފައިވިހައި ހެޔޮ ގޮތްތަކޭ
ބަސްމަގު ރިވެތި ބަޔަކަށްވުމާ އިސްމީހުނަށް ކިޔަމަންވުމާ
ނަސްލީ އަރައިރުންނެތި މިތާ އުޅެ އިސްވެދިހައި ގޮތްތަކޭ
ބޭރުގެ ސަގާފަތް ގައުމުގައި އަށަގަތަ ނުދީ ތިބުމަށްޓަކައި
އޭރުގެ ދޮށީމީހުން މޮޅަށް ހާނައި ދަރީންހެދި ގޮތްތަކޭ
އިސްލާންވުމަށް ފަހުގައި މިތާ ދީނީ ޢަޤީދާ ފަތުރުވައި
ޖިސްމާ ޢަޤުލު ދީނުގެއިމަށް ފުރޮޅައިލި ހުރިހައި ގޮތްތަކޭ
ނުލައެއް ބަހާ ދިވެހީންނަކީ ދިވެހީންކަމަށް ނުމެވާކަމުން
ކުލަޖެއްސުމީ ގައުމިއްޔަތުގެ ގައުމިއްޔަތަށްދޭ ދިރުމެކޭ
The post ގައުމިއްޔަތު first appeared on އަދިވެސް އޮންލައިން.
