އަކްޝޭ ސިހުރުގެ ތެރެއަށް

ސިހުރާއި އެކަމާ ގުޅޭ ގޮތުން ގަބޫލުކުރާ ގަބޫލުކުރުންތަކުގެ މައްޗަށް ބިނާކޮށް އަކްޝޭ ކުމާރާ އެކު ހޮރޯ ފެންޓަސީއެއް ހަދަން ޑައިރެކްޓަރު ޕްރިޔަދަރުޝަން ނިންމައިފި އެވެ.

އަކްޝޭއާ އެކީ 2007 ގެ ކާމިޔާބު ސައިކޮލޮޖިކަލް ތުރިލާ "ބޫލް ބުލައްޔާ" ގެނެސްދިން ޑައިރެކްޓަރު ހިންދުސްތާން ޓައިމްސް އަށް ބުނީ އާ ފިލްމަކީ އެކްތާ ކަޕޫރް ޕްރޮޑިއުސްކުރާނެ ފިލްމެއް ކަމަށާއި މިއީ އޭނަގެ ކެރިއަރުގެ އެންމެ ހާއްސަ އެއް ފިލްމަށް ވާނެ ކަމަށެވެ.

"އަކްޝޭއާ އެކީ އަލުން މަސައްކަތް ކުރަން ހިތްހަމަޖެހޭ ވަރުގެ ސްކްރިޕްޓަކަށް އަހަރެން އިންތިޒާރުކުރާތާ މިއީ އަށާރަ ވަނަ އަހަރު،" އާންމުކޮށް ކޮމެޑީ ފިލްމުތައް ހަދާ ޕްރިޔަދަރުޝަން ބުންޏެވެ. "މި ފަހަރު އަކްޝޭއާ އަކީ ހަދަން މި އުޅެނީ ފެންޓަސީ ހޮރޯ އަކީ ހިއުމަ އެކުލެވޭ ވަރަށް ޝައުގުވެރި އެއްޗަކަށް ވާނެ. މީގެ މައިގަނޑު ބިނާވާނީ ސިހުރު ހާހޫރަ އަށް."

މި ފިލްމާ ބެހޭ ގޮތުން އޭނަ ބުނީ މިއީ ވަރަށް ހިތްހަމަޖެހޭ ސްކްރިޕްޓެއް ކަމަށާއި އެންމެ އުފާވަނީ ވަރަށް ދުވަސްކޮށްފައި އަނެއްކާ ވެސް އަކްޝޭއާ އެކީ މަސައްކަތް ފުރުސަތު ފަހިވުމުން ކަމަށެވެ.

އަކްޝޭ ކުޅުނު ޕްރިޔަދަރުޝަންގެ ފިލްމުތަކުގެ ތެރޭގައި "ބާގަމް ބާގް" އާއި "ކައްޓާ މީޓާ" ހިމެނެ އެވެ.

އަކްޝޭގެ އެންމެ ފަހުގެ ފިލްމަކީ މި މަހުގެ 11 ގައި ރިލީޒްކުރި އެކްޝަން ތުރިލާ "ބަޅޭ މިޔާ ޗޯޓޭ މިޔާ" އެވެ. އޭނަގެ ކުރިއަށް ހުރި ފިލްމުތަކުގެ ތެރޭގައި "ސަރުފީރާ"، "ސިންގަމް އެގެއިން"، "ސްކައި ފޯސް"، "ވެލްކަމް ޓު ދަ ޖަންގަލް"، "ޝަންކަރާ،"، "ކޭލް ކޭލް މޭ" ގެ އިތުރުން ތެލެގޫ ފިލްމު "ކަނައްޕާ" އަދި މަރާޓީ ފިލްމު "ވެދާތު މަރާތޭ ވީރު ދޯޅީ ސާތު" ހިމެނެ އެވެ.

The post އަކްޝޭ ސިހުރުގެ ތެރެއަށް appeared first on adduLIVE.