މިއަދު ހެނދުނު ވެލާނާ އިންޓަރނޭޝަނަލް އެއާޕޯޓަށް ކުރިމަތިވި ކަރަންޓް ކަނޑައިގެންދިއުމުގެ މައްސަލަ މުޅިން ހައްލުވެ ނިމިފައިވާކަމަށް ވީއައިއޭއިން ބުނެފިއެވެ.
ވީއައިއޭއަށް ކަރަންޓް ދިނުމުގައި ބޭނުންކުރަމުންދިޔަ ޖަނަރޭޓަރު ސެޓްތަކަކަށް މައްސަލައެއް ދިމާވެ، މިއަދު ހެނދުނު 08:30 އިން ފެށިގެން ކަރަންޓް ކަނޑައިގެން ދިމުން އެއާޕޯޓްގެ އޮޕަރޭޝަންތަކަށް ވަނީ ބުރޫއަރައި ފްލައިޓްތައް ޑިލޭކުރަން ޖެހިފައެވެ.
މިނިވަންއާ ވާހަކަދައްކަވަމުން ވީއައިއޭގެ އޮފިޝަލަކު ވިދާޅުވީ އެއާޕޯޓްގައި ހެދުނު ކަރަންޓް ކަނޑައިގެން ދިއުމުގެ ސަބަބުން އޮޕަރޭޝަންތައް ލަސްވެގެން ދިޔަނަމަވެސް މިހާރު އާއްމު ހާލަތަށް އައި އޮޕަރޭޝަންތައް ފަށައިގެން ކުރިއަށްދާކަމަށެވެ.
Our technical teams have resolved the issue, and power has been restored @VelanaAirport.
Operations are now back on track. We apologise for the inconvenience and appreciate your patience during this time. Safe travels to all our passengers! https://t.co/DPxS1FviSL
— Maldives Airports Company Ltd (@MACLmedia) April 19, 2024
ވީއައިއޭގައި ހުރި މިނިވަންގެ ރިޕޯޓަރަކު ބުނީ އެއާޕޯޓުން ކަރަންޓް ކަނޑައިގެން ދިއުމުގެ ސަބަބުން، ސިސްޓަމްތަކުން ޕްރޮސެސްކުރަންޖެހޭ ކަންކަން ހުއްޓުމަކަށް އައުމުން ވައިގެ ދަތުރުފަތުރުތައް ހުއްޓި، އެއާޕޯޓް ތެރޭގައި ވަރަށްގިނަ ދަތުރުވެރިންތަކެއް މަޑުކުރަންޖެހި އެއާޕޯޓް ތޮއްޖެހުމަކަށް އައިކަމަށެވެ.
The post ވީއައިއޭއަށް ދިމާވި ކަރަންޓްގެ މައްސަލަ ހައްލުކޮށްފި first appeared on Minivan.
