ހުރަވީ ސްކޫލުގައި ކާން އިން އަންހެން ކުއްޖަކު މަރުވެއްޖެއެވެ.
ފުލުހުން މިއަދު ބުނީ، ހުރަވީ ސްކޫލުގައި އިން ކުއްޖަކަށް ސިއްހީ ހާލަތެއް މެދުވެރިވެގެން ހުޅުމާލެ ހޮސްޕިޓަލަށް ގެންގޮސްފައިވާ ކަމަށް މިއަދު ހެނދުނު ރިޕޯޓްކޮށްފައިވާ ކަމަށެވެ.
އެ ކުއްޖާ ހޮސްޕިޓަލަށް ގެންދިޔައިރުވެސް މަރުވެފައިވާ ކަމަށް ހޮސްޕިޓަލާ ހަވާލީ ފުލުހުން ބުންޏެވެ.
ފުލުހުން ބުނީ މަރުވީ އަންހެން ކުއްޖެއް ކަމަށެވެ.
އެ ކުއްޖާގެ މަރުގެ މައްސަލަ ފުލުހުން އަންނަނީ ތަހުގީގުކުރަމުނެވެ.