މަސްދޯނިފަހަރަށް ދޫކުރާ ފައިސާގެ ތެރެއިން 09 އޭޕްރިލް 2024 ގެ ނިޔަލަށް ހުރި ބިލުތަކުގެ ފައިސާ މިހާރުވަނީ ދައްކާ ނިމިފައިކަމަށް މިފްކޯއިން ހާމަކޮށްފިއެވެ.
މަސްވެރިންނަށް ދޭން ޖެހޭ ފައިސާ އަވަހަށް ދިނުމަށް ސަރުކާރުން ދަނީ ގިނަ މަސައްކަތްތަކެއް ކުރަމުންނެވެ. މަސްވެރިންނަށް ފައިސާ ދިނުމުގައި ދަތިތަކެއް ކުރިމަތިވެފައިވަނީ މި ސަރުކާރުން ވެރިކަމާއި ހަވާލުވީ އިރު މަސްވެރިންނަށް ގިނަ އަދަދެއްގެ ފައިސާ ނުދީ ހުރުމުންނެވެ.
މަސްދޯނިފަހަރަށް ދޫކުރާ ފައިސާގެ ތެރެއިން 09 އޭޕްރިލް 2024 ގެ ނިޔަލަށް ހުރި ބިލުތަކުގެ ފައިސާ މިހާރުވަނީ ދައްކާ ނިމިފައި.
— MIFCO (@mifcomv) April 18, 2024
މަސްވެރިންނަށް ފައިސާ ދިނުމުގައި އެންމެ ބޮޑު ގޮންޖެހުމަކަށްވީ 17 ރުފިޔާއަށް މިފްކޯއަށް ގަންނަމުންދިޔަ މަސް ކިލޯއެއްގެ އަގު، މިފްކޯއަށް ގެއްލުންވާ ގޮތަށް 25 ރުފިޔާއަށް ނިމިދިޔަ ސަރުކާރުން މިދިޔަ ރިޔާސީ އިންތިޚާބުގެ ކެމްޕެއިން ދުވަސްވަރު ބޮޑުކުރުމެވެ. އަދި އަގަށް ބަދަލު ގެނައުމަށްފަހު ކިރުވާފައިވާ މަހަށް 250 މިލިއަން ރުފިޔާ މަސްވެރިންނަށް ނުދީ ހުރުމެވެ.
ސަރުކާރުންވެރިކަމާއި ހަވާލުވީފަހުން މިހާތަނަށް މަސްވެރިންނަށްވަނީ 600 މިލިއަނަށްވުރެ ގިނަ ރުފިޔާ ދޫކޮށްފައެވެ. އަދި ސަރުކާރުން މަސައްކަތްކުރަމުންދަނީ މަސް ކިރާތާ 48 ގަޑިއިރުގެތެރޭގައި މަސްވެެރިންނަށް ފައިސާ ދެވޭނެ ނިޒާމެއް ގާއިމްކުރުމަށެވެ.