އީސީން ކުރި އިއުލާނުގައި ބުނީ އެ ކޮމިޝަން ހިންގާނެ އިމާރާތެއް 10 އަހަރުގެ މުއްދަތަށް ކުއްޔަށް ދޫކުރާނެ ފަރާތެއް ހޯދަން ބޭނުންވާ ކަމަށެވެ. އަދި ޝަރުތު ފުރިހަމަވާ ހުރިހާ ފަރާތްތަކަށް ބީލަން ހުށަހެޅުމުގެ ފުރުސަތު މިހާރު ހުޅުވާލާފައިވާ ކަމަށް އެ އިއުލާނުގައި ބުންޏެވެ.
ބީލަންތައް ހުޅުވުން އޮންނާނީ މިމަހުގެ 28 ވަަނަ ދުވަހުގެ މެންދުރުފަހު 1:30ގައި އިލެކްޝަން ކޮމިޝަން މިހާރު ހިންގަމުންދާ ޕޯޓްކޮމްޕްލެކްސް ބިލްޑިންގެ ފަސްވަނަ ފަންގިފިލާގައެވެ.
އީސީގެ އޮފީސް މިހާރު ހިންގަނީ ހިލާލީމަގުގައި ހުންނަ ޕޯޓް ކޮމްޕްލެކްސް އިމާރާތުގަ އެވެ. އަދި އެ އިދާރާގެ ބައެއް ދަރުބާރުގޭގައި ވެސް ހިންގަ އެވެ.
