ޒަކަރިއްޔާގެ ނަން ދިރާސާ ކުރުމަށްފަހު އީސީގެ މެންބަރުކަމަށް އޭނާ އައްޔަން ކުރަން ފެންނަ ކަމަށް ފާސްކޮށްފައި ވަނީ ކޮމިޓީގެ އަގުލަބިއްޔަތުންނެވެ.
އިލެކްޝަންސްގެ މެންބަރުގެ މަގާމު ހުސްވެފައިވަނީ އެ ކޮމިޝަނުގެ ނައިބު ރައީސްގެ މަގާމުގައި ހުންނެވި އިސްމާއީލް ހަބީބު އަބްދުއްރަހީމްގެ ދައުރު މިމަހު 13ގައި ހަމަވުމާއި ގުޅިގެންނެވެ.
ހުސްވެފައިވާ އިލެކްޝަންސް ކޮމިޝަންގެ މެންބަރުގެ މަގާމަށް ކުރިމަތިލުމަށް އާއްމުކޮށް ހުޅުވާލުމުން ޒަކަރިއްޔާގެ އިތުރުން 13 ބޭފުޅަކު ކުރިމަތިލެއްވި އެވެ. އެ ކޮމިޝަނުގެ މެންބަރެއްގެ މުއްދަތަކީ 4 އަހަރެވެ.
އީސީގެ ސެކްރެޓަރީ ޖެނެރަލްގެ މަގާމަށް ޒަކަރިއްޔާ އައްޔަންކުރީ ޖޫން 18، 2021 ގަ އެވެ.
ފަސް މެމްބަރުން އެކުލެވޭ އީސީގެ ރައީސަކީ ފުއާދު ތައުފީގެވެ. އަދި މިހާރުގެ ނައިބު ރައީސަކީ އަލީ ނަޝާތެވެ.