އަންނަ މަހު ބާއްވާ ރައްޔިތުންގެ މަޖިލީހުގެ އިންތިހާބުގެ ކަންކަމުގައި ޕްރޮގްރެސިވް ކޮންގްރެސް ކޯލިޝަން ތަމްސީލުކުރައްވާ ޗީފް ސްޕޯކްސް ޕާސަން ކަމުގެ މަގާމަށް ހީނާ ވަލީދު މިއަދު އައްޔަންކުރައްވައިފިއެވެ.
މަޖިލީސް އިންތިހާބު އޮންނާނީ އަންނަ މަހުގެ 21 ވަނަ ދުވަހެވެ.
ސިޔާސީ ޕާޓީތަކުން އިންތިހާބާއި ގުޅޭ އިވެންޓްތަކާއި ކަންކަންް އަދި ނޫސްވެރިންގެ ބައްދަލުވުންތައްވެސް ދަނީ ބާއްވަމުންނެވެ.
އެންސްޕާގެ ސީއީއޯގެ މަގާމުވެސް ފުުއްވަމުން ގެންދަވާ ހީނާ އަކީ އެ ކޯލިޝަންގެ ތަރުޖަމާނެވެ.
އިންތިހާބު އޮންނަ ދުވަހާއި ހަމައަށް 18 އަހަރުފުރޭ މީހުންނާއެކު ޖުމްލަ ވޯޓު ލެވޭ މީހުންގެ ޖުމްލަ އަދަދު 284،663 އަށް އަރައެވެ. އެއީ 145،302 ފިރިހެނުންނާއި، 284،663 އަންހެނުންނެވެ.
މަޖިލީސް އިންތިހާބުގައި 602 ވޯޓު ފޮށި ބަހައްޓާއިރު، އެއީ މާލޭގައި 181 އަދި ހުޅުމާލޭގައި 51 ވޯޓު ފޮށި ބަހައްޓައެވެ. އަދި ވިލިމާލޭގައި 9 ވޯޓު ފޮށި ބަހައްޓާއިރު، އަތޮޅު ތެރޭގެ ރަށްތަކުގައި 319 ވޯޓު ފޮއްޓެއް ބަހައްޓައެވެ.
އެހެން އަހަރުތަކާ ޚިލާފަށް މިއަހަރު 93 ދާއިރާއަކަށް މެންބަރުން އިންތިހާބު ކުރެވޭނެއެވެ. އިންތިހާބުގައި ޖުމްލަ 369 ކެންޑިޑޭޓުން ވާދަކުރެ އެވެ. އޭގެ ތެރޭ ހިމެނެނީ 326 ފިރިހެން ކެންޑިޑޭޓުން 43 އަންހެން ކެންޑިޑޭޓުންނެވެ.
