ރާއްޖެއަށް މަސްތުވާތަކެތި އެތެރެކުރި މައްސަލައިގައި މީހަކު ހައްޔަރުކޮށްފި

ރާއްޖެއަށް މަސްތުވާތަކެތި އެތެރެކުރި މީހަކު ހައްޔަރުކޮށްފިއެވެ.

ފުލުހުން ވިދާޅުވީ، މި މައްސަލައިގައި ހައްޔަރުކޮށްފައިވަނީ ސ.ހިތަދޫ ވެހެތާނުގޭ، ޢުމުރުން 65 އަހަރުގެ ޢަބްދުﷲ ޞާދިޤް ކަމަށެވެ. އޭނާ ހައްޔަރުކޮށްފައިވަނީ ރާއްޖެއަށް މަސްތުވާތަކެތި އެތެރެކުރި މައްސަލައިގައި މިމަހުގެ 17 ވަނަ ދުވަހު ވެލާނާ އިންޓަރނޭޝަނަލް އެއަރޕޯޓުންނެވެ.

މިމައްސަލައިގައި ހައްޔަރުކޮށްފައިވާ ޢަބްދުﷲ ޞާދިޤުގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން 15 ދުވަހަށް އޭނާ ބަންދުކުރުމަށް ކޯޓުން އަމުރުކޮށްފައިވާކަމަށް ފުލުހުން ވިދާޅުވެއެވެ.

އޭނާ ރާއްޖެއަށް އެތެރެކޮށްފައިވާ މަސްތުވާތަކެތީގެ ވަގުތީ ބަރުދަނުގައި 349 ގުރާމު ހުރިކަމަށް ފުލުހުން ވިދާޅުވެއެވެ. ފުލުހުންދަނީ މިމައްސަލަ މިހާރު ތަހުގީގުކުރަމުންނެވެ.