ރައީސުލްޖުމްހޫރިއްޔާ ޑރ. މުހައްމަދު މުއިއްޒު ގުޅީފަޅުގެ މަޝްރޫއު ކުރިއަަށްދާގޮތް ބައްލަވާލައްވައިފިއެވެ.
ކޮންސްޓްރަކްޝަން އެންޑް އިންފްރާސްޓްރަކްޗާ މިނިސްޓްރީން ބުނީ ރައީސް މުއިއްޒު ގުޅީފަޅު ބައްލަވާލަން މިއަދު ވަޑައިގެންނެވި ކަމަށާއި އެ މިނިސްޓްރީގެ ފަރާތުން ގުޅީފަޅު މަޝްރޫއުގެ އަދާހަމަ ރައީސް މުއިއްޒުއަށް އެރުވީ ސްޓޭޓް މިނިސްޓަރު އިބްރާހިމް ޠައާމް ކަމަށެވެ.
އަދި އެމަނިކުފާނުގެ އަރިހުގައި ޓްރާންސްޕޯޓް މިނިސްޓަރު މުހައްމަދު އަމީން، ހައުސިން މިނިސްޓަރު ޑރ. އަލީ ހައިދަރުގެ އިތުރުން އެންވާރަމަންޓް މިނިސްޓަރު ތާރިޤް އިބްރާހިމް ބައިވެރިވެވަޑައިގެންފައިވެއެވެ.
މި ސައިޓް ވިޒިޓުގައި މިނިސްޓަރ އޮފް @MoTCAmv މުޙައްމަދު އަމީން އާއި މިނިސްޓަރ އޮފް @MHLUDmv ޑޮކްޓަރ ޢަލީ ޙައިދަރު އަޙްމަދު އަދި މިނިސްޓަރ އޮފް @MoEnvmv ޠާރިޤު އިބްރާހީމް ބައިވެރިވެވަޑައިގެންނެވިއެވެ. pic.twitter.com/oTC7iurj1W
— Ministry of Construction and Infrastructure (@MoCImv) April 20, 2024
ގުޅިފަޅު ހިއްކުމުގެ ދެވަނަ ފިޔަވަހީގެ ދަށުން، ނެދަލެންޑްސްގެ ބޮސްކާލިސް ކުންފުންޏާ ހަވާލުކޮށްގެން އެ ފަޅުން 150 ހެކްޓަރުގެ ބިން ހިއްކުމުގެ އަމަލީ މަސައްކަތް ފެށީ މިދިޔަ ޖުލައި މަހުއެވެ. އެ މަޝްރޫއުގެ އަގަކީ 130.4 މިލިއަން ޑޮލަރު (2.01 ބިލިއަން ރުފިޔާ) އެވެ.
The post ރައީސް ގުޅީފަޅު މަޝްރޫއު ކުރިއަށްދާގޮތް ބައްލަވާލައްވައިފި first appeared on Minivan.
