ކުރީގެ ރައީސް މުހައްމަދު ނަޝީދަށް ތާއީދުކުރާ ފަރާތްތަކުން އުފެއްދުމަށް މަސައްކަތްކުރާ "ދަ ޑިމޮކްރެޓްސް" ޕާޓީގެ ހަރުގެ، އެމްޑީޕީގެ ކުރީގެ މައި ހަރުގޭގައި ހަރަކާތްތައް ފަށައިފިއެެވެ.
ދަ ޑިމޮކްރެޓްސް ހައުސް – ޑިމޮކްރަޓުންގޭގެ ހަރަކާތްތައް ފެށިގެން ބާރަށް ކުރިއަށް#WeTheDemocrats 💙 pic.twitter.com/xeM38Of2xb — Mohamed Azuwar (@Azuw_ar) June 7, 2023"ދަ ޑިމޮކްރެޓްސް" ގެ ބާރުގެ ދަށަށް އެމްޑީޕީ މައި ހަރުގެ ގެނައީ މޭ މަހުގެ 29 ވަނަ ދުވަހުއެވެ. އެގޮތުން މި ޕާޓީން ވަނީ ހަފްތާއެއްގެ ތެރޭގައި ޕާޓީ އުފެއްދުމަށް ބޭނުންވާ އަދަދަށް ސޮއި ހަމަކޮށް، ޖޫން 1 ގައި 3560 ފޯމު އީސީއަށް ހުށަހަޅާފައެވެ. އެ ޕާޓީ ހެދުމަށް މަސައްކަތް ކުރަމުން އަންނަ ފަރާތްތަކުން ވަނީ އެމްޑީޕީ އިން އެ ޖަގަހަ ބޭނުން ކުރި އިރު ދަމާފައި ހުރި ރައީސް ސޯލިޙްގެ ޕޯސްޓަރު ތަކާއި ބެނާތައް ނެގައި، އެމްޑިޕީގެ ކުލަ ކަމަށްވާ ރީނދޫ ކުލަ ފިލުވުމަށްފަހު ދަ ޑިމޮކްރެޓްސް ގެ ކުލަ ކަމުގައިވާ މަޑު ނޫކުލަ ލާފައެވެ.
