އަލީ މޫސާގެ ކެމްޕެއިން ބައްދަލުވުމެއްގައި ވާހަކަ ދައްކަވަމުން އަބްދުއްރަހީމް ވިދާޅުވީ އަލީ އަށް 100 ޕަސެންޓް އިތުބާރު ސަރުކާރުން ދޭ ކަމަށާއި ފުރުސަތުގެ ބޭނުން ރައްޔިތުން ހިފާ ކުރިއަށް އޮތް މަޖިލިސް އިންތިހާބުގައި ހޯރަފުށި ދާއިރާއަށް އަލީ އިންތިހާބުކޮށް ދިނުމަށް ރައްޔިތުންގެ ކިބައިން އެދޭ ކަމަށެވެ.
އަދުރޭ ވިދާޅުވީ ކުރިއަށްއޮތް ފަސް އަހަރު ހޯރަފުށި ދާއިރާއަށާއި މުޅި ގައުމަށް އިތުރު ހަރުފަތް ތަކަކަށް ގެންދިއުމަށް ރައީސް މުއިއްޒު މެންބަރަކަށް އަލީ މޫސާ ހައްދަވާދެއްވުމަށް އެދޭ ކަމަށެވެ. އޭރުން ހޯރަފުށި ދާއިރާގެ ރައްޔިތުންގެ ތަރައްގީ ޔަގީންވެ ދާންބޭނުންވާ މިސްރާބުން ޔަގީން ވާނެކަމަށެވެ.
" ރައީސް މުއިއްޒުއާއި މުޅި ސަރުކާރުގެ އިސްވެރިންގެ ތާއީދު އަލީ މޫސައަށް އެބައޮތް، އަޅުގަނޑުމެން އަލަށްކަށް ނޫން އަލީ މޫސަ ދުށީ، އަލީ ހުރީ ތަޖުރިބާ ކުރެވިފައި" ރައީސް ޑރ. މުހައްމަދު މުއިއްޒުގެ ސްޕެޝަލް އެޑްވައިޒަރު އަބްދުއްރަހީމް އަބްދުﷲ ވިދާޅުވި އެވެ.
އަލީ މޫސާ އަކީ ދާއިރާގެ ރަށްތަކުގެ އިޖުތިމާއީ ކަންކަމުގައި އަބަދުވެސް އުޅުއްވާ ބޭފުޅެކެވެ. ދާއިރާގެ 3 ރަށުގެވެސް ތަރައްގީއައް ގިނަ މަސައްކަތްތަކެއް ކޮށްދެމުންއަންނަ ބޭފުޅެކެވެ.ހޯރަފުށި ދާއިރާއަށް ވާދަކުރަށްވާ އަލީ މޫސާ އަކީ ޔުނިވާސިޓިއޮފް ސަންޑަލޭންޑް އިން ވިޔަފާރީގެ ދާއިރާއިން މާސްޓަސް ހާސިލްކޮށްފައިހުރި ބޭފުޅެކެވެ. އޭނާ އަކީ ވިޔަފާރިއާއި އިގްތިޞޯދާއި އަދި ފަތުރުވެރިކަމުގެ ދާއިރާގެ ތަޖުރިބާ ހޯއްދަވައިގެން ހުރި އިލްމީ ބޭފުޅެކެވެ.
ހޯރަފުށި، ތުރާކުނު އަދި އުލިގަމު ހިމެނޭ ހޯރަފުށި ދާއިރާއަށް ނިސްބަތްވާ ގިނަބަޔަކު ނިކުމެ މިފަހުން މާލޭގައި ބޭއްވި ފޯރިގަދަ ކެމްޕެއިން އިވެންޓެއްގައި ރައީސް ޑރ. މުއިއްޒު ވިދާޅުވީ ދެވަނަ ވިސްނުމަކަށް ނުދާކަމަށާއި ވަރަށް ސާފު އިބާރާތުން، އެމަނިކުފާނުގެ ފުރިހަމަ އިތުބާރުއޮތް ހަމައެކަނި ކެނޑިޑޭޓަކީ ކެނޑިޑޭޓް ނަންބަރު 2 އަލީ މޫސަ ކަމަށެވެ.- އިތުރަށް ކިޔާލަން: އިހަވަންދިއްޕޮޅު ބަންކަރިން ހިދުމަތުން ހޯރަފުށި ދާއިރާގެ ރައްޔިތުންނަށް އާ ޒަމާނެއްގެ ނިޝާން
