ޤާނޫނުތަކުގެ ތެރެއިން ދައުލަތަށް ލިބެންޖެހޭ 13 ބިލިއަން ރުފިޔާ ނުލިބި އެބަހުރިކަމަށާއި އެފައިސާ ހޯއްދަވާނެކަމަށް ރައީސުލްޖުމްހޫރިއްޔާ ޑރ މުހައްމަދު މުއިއްޒު ވިދާޅުވެއްޖެއެވެ.
މިނިވަން ދުވަހުގެ މުނާސަބަތުގައި ބޭއްވި ރަސްމީ ޖަލްސާގައި ވާހަކަދައްކަވަމުން ރައީސް ވިދާޅުވީ މިއީ މިދިޔަ ސަރުކާރުތަކުން ނުހޯދާ ދޫކޮށްލާފައިވާ ފައިސާކަމަށެވެ. މިއީ ގާނޫނީ ގޮތުން ލިބެންޖެހޭ ފައިސާކަމަށް ރައީސް ވިދާޅުވިއެވެ.
އެގޮތުން ބިމު ކުލީގެ ގޮތުގައި ނުހޯދާ ލިބެންޖެހޭ ފައިސާގެ ގޮތުގައި 513 މިލިއަން އެމެރިކާ ޑޮލަރުވާކަމަށް ރައީސް ވިދާޅުވިއެވެ. ޓީޖީއެސްޓީގެ ގޮތުގައި 102 މިލިއަން އެމެރިކާ ޑޮލަރު ނުހޯދާވާކަމަށާއި ޖީއެސްޓީގެ ގޮތުގައި 3.3 ބިލިއަން ރުފިޔާ މިދިޔަ ސަރުކާރުތަކުން ދައުލަތަށް ނުހޯދާހުރިކަމަށް ރައީސް ވިދާޅުވިއެވެ. އަދި ކޯޕަރޭޓިވް އިންކަމް ޓެކްސްގެ ގޮތުގައި އެއް ބިލިއަން ރުފިޔާ ނުހޯދާހުރިކަމަށް ރައީސް ވިދާޅުވިއެވެ.
މީގެއިތުރުން ރައީސް ވިދާޅުވީ އެމްއެމްޕީއާރުސީގެ މައްސަލައިގައި ދައުލަތުން ގެއްލިފައިވާ ފައިސާ އާ އެހެނިހެން ވައްކަންތަކުން ގެއްލިފައިވާ ފައިސާ ހޯއްދަވާނެކަމަށެވެ.
