އެމްޑީޕީގެ ލީޑަރޝިޕްގައި ތިއްބެވި ހުރިހާ ބޭފުޅުން އިސްތިއުފާ ދެއްވަންޖެހޭކަމަށް މަޖިލީހުގެ މާފަންނު މެދު ދާއިރާގެ މެމްބަރު އިބްރާހީމް ރަޝީދު (ބޮންޑޭ) ވިދާޅުވެއްޖެއެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ވާހަކަދައްކަވަމުން މެމްބަރު އިބްރާހީމް ރަޝީދު ވިދާޅުވީ، ރައްޔިތުންގެ މަޖިލީހުގެ ބޮޑު މެޖޯރިޜީއެއް ސަރުކާރަށް ލިބުނީ އެމްޑީޕީގެ އިސްފަރާތްތަކުން އެބޭފުޅުންގެ ބާރުތަކަށް ދަހިވެތިވީމަކަމަށެވެ. ކެމްޕޭނުގެ އެންމެ ފަހު ވަގުތު ކުރީގެ ރައީސް އިބްރާހީމް މުހައްމަދު ސޯލިހު، ރައީސް ޑރ މުހައްމަދު މުއިއްޒު އަޒުލުކުރަން ގޮވާލިކަން ފާހަގަކުރައްވާ ބޮންޑޭ ވިދާޅުވީ، ރައްޔިތުންގެ ވިސްނުން ބަދަލުވީ އެހިސާބުންކަމަށެވެ. އިންތިހާބުގައި ރައްޔިތުން ހެދީ ރައީސް އަޒުލުނުކުރެވޭނެ ގޮތެއްކަމަށް ބޮންޑޭ ވިދާޅުވިއެވެ.
ބޮންޑޭ ވިދާޅުވީ، އެމްޑީޕީގެ ލީޑާޝިޕް ބަދަލުކޮށްގެން ނޫނީ ރާއްޖެގައި ސިޔާސީ ކަންކަމާއިގެން ކުރިއަށް ދެވޭނެ މަގެއް ނެތްކަމަށެވެ. އެހެންކަމުން މިހާރު އެމްޑީޕީ ލީޑާޝިޕްގައި ތިބި ހުރިހާ ފަރާތްތަކުން އިސްތިއުފާ ދޭންޖެހޭކަމަށާއި ދުޅަހެޔޮކަމެއް ފުރަތަމަ އަންނަންޖެހެނީ ތިމާމެންގެ ސިކުނޑިއަށާއި ބުއްދިއަށްކަމަށް ބޮންޑޭ ވިދާޅުވިއެވެ.
ބޮންޑޭ އިތުރަށް ވިދާޅުވީ، ކުރީ ސަރުކާރުން ރައޔްިތުންނަށް އަނިޔާވެރިވި ގޮތަށް މި ސަރުކާރުން އަނިޔާވެރި ނުވާނެކަން ޔަގީންވާކަމަށެވެ.