ސަރުކާރުން ހަދަން ނިންމާފައިވާ މަސްވެރިކަމާ ބެހޭ ކޮލެޖް ނުވަތަ ފިޝަރީޒް ކޮލެޖް މާލޭގައި ގާއިމު ކުރަން ނިންމުމާ ގުޅިގެން އައްޑޫސިޓީގެ މޭޔަރު އަލީ ނިޒާރު ކަންބޮޑުވުން ފާޅުކުރައްވައިފިއެވެ.
މާލޭގައި މަސްވެރިކަމާއި ބެހޭ ކޮލެޖެއް ގާއިމު ކުރުމަށް ފިޝަރީޒް މިނިސްޓްރީއާއި ގައުމީ ޔުނިވާސިޓީން އެއްބަސްވުމެއްގައި ސޮއި ކުރީ މިދިޔަ އަހަރުގެ ޑިސެމްބަރު މަހުގެ 27 ވަނަ ދުވަހުއެވެ. އިއްޔެ ބޭއްވި ނޫސްވެރިންގެ ބައްދަލުވުމެއްގައި ގައުމީ ޔުނިވާސިޓިގެ ވައިސް ޗާންސެކަރު، ޑރ. އައިޝަތު ޝެހެނާޒް އާދަމް ވިދާޅުވީ، އެ މަސައްކަތް ފެށިފައިވާ ކަމަށާއި ކޮލެޖް ގާއިމު ކުރަނީ މާލޭގައި ކަމަށެވެ.
އެކަމުގެ ކަންބޮޑުވުން ފާޅުކުރަމުން ނިޒާރު ވިދާޅުވީ، މަސްވެރިން ގިނަ ހުވަދޫ ނުވަތަ އެހެން އަތޮޅެއްގައި މިކަން ފެއްޓެވިނަމަ އެކަން ވެދާނީ ރަގަޅު ފާލަކަށް ކަމަށާއި އަތޮޅުތެރޭ ތިއްބެވި މަސްވެރިން ވެސް ނުވަތަ ޝައުގުވެރިވާ އެހެންބޭފުޅުން ވެސް މާލެ ގެންދަން ނުވަތަ މާލެ "ތޮއްޖައްސަން" އިތުރު ސިޔާސަތެއް އައުމަކީ ރަގަޅު ނިންމުމެއް ނޫން ކަމަށެވެ.
މަސްވެރިންގިނަ ހުވަދޫ ނުވަތަ އެހެން އަތޮޅެއްގައި މިކަން ފެއްޓެވިނަމަ އެކަން ވެދާނީ ރަގަޅު ފާލަކަށް. އަތޮޅުތެރޭ ތިއްބެވި މަސްވެރިންވެސް ނުވަތަ ޝައުގުވެރިވާ އެހެންބޭފުޅުންވެސް މާލެ ގެންދަން ނުވަތަ މާލެ "ތޮއްޖައްސަން" އިތުރު ސިޔާސަތެއް އައުމަކީ ރަގަޅު ނިންމުމެއް ނޫން.
Masverikamaa…
— Ali Nizar (@DhekunuNizar) May 7, 2024
މިކަމާއި ބެހޭ ގޮތުން އެމްއެންޔޫގެ ވައިސް ޗާންސެލަރު ޑރ. އައިޝަތު ޝެހެނާޒް އާދަމް އިއްޔެ ވިދާޅުވީ މަސްވެރިކަމާ ބެހޭ ކޮލެޖުގެ ކިޔެވުން ފަށާއިރު މަސްވެރިކަމާ ބެހޭ ކުދި ކޯސްތައް ކިޔަވައިދިނިމުގެ އިތުރުން ޔުނިވަސިޓީގައި މިހާރު ވެސް ކިޔަވައިދޭ މަސްވެރިކަމުގެ ކޯސްތައް ވެސް ކޮލެޖްގައި ކިޔަވައި ދޭނެ ކަމަށެވެ.
