ހދ. ކުޅުދުއްފުއްޓަށް މިހާރު ދިމާވެފައިވާ ކަރަންޓުގެ ހާލަތު ރަނގަޅު ކުރުމަށް އެރަށަށް 600 ކިލޯވޯޓުގެ ދެ ޖަނަރޭޓަރު ފޮނުވައިފިއެވެ.
ފެނަކަ ކޯޕަރޭޝަނުން މިއަދު ބުނީ އެ ސިޓީގެ ކަރަންޓުގެ ހާލަތު ރަނގަޅު ކުރުމަށް ކުޅުދުއްފުއްޓަށް 600 ކިލޯވޮޓްގެ ދެ ޖަނަރޭޓަރު ފޮނުވައި އިންސްޓޯލް ކުރުމުގެ މަސައްކަތް ފަށާފައިވާ ކަމަށެވެ.
ކުޅުދުއްފުއްޓަށް އާ ދެ ޖެނެރޭޓަރު ފޮނުވާފައިވާއިރު، މިދިޔަ ހަފްތާގައި އެ ސިޓީގެ ތިން ޖެނެރޭޓަރަކަށް ދިމާވި މައްސަލައަކާ ގުޅިގެން މުޅި ރަށުން ކަރަންޓު ކެނޑުނެވެ. އެ މައްސަލަ ދިމާވީ، ޓްރާންސްފޯމަރަކަށް ދިމާވި މައްސަލައަކާ ގުޅިގެން ތިން ޖަނަރޭޓަރެއްގެ ކޮންޓްރޯލް މޮޑިއުލް އެނދުމުންނެވެ.
އެ މައްސަލަ ހައްލު ކުރީ ސްޓެލްކޯގެ ޓީމެއް ކުޅުދުއްފުއްޓަށް ފޮނުވައިގެންނެވެ.
ހދ.ކުޅުދުއްފުށީގެ ކަރަންޓުގެ ޙާލަތު ރަނގަޅު ކުރުމަށް ފޮނުވާ 600 ކވ ގެ 2 ޖަނަރޭޓަރ ރަށަށް ލިބި އިންސްޓޯލް ކުރުމުގެ މަސައްކަތް ފަށަން ތައްޔާރު ވެއްޖެ. #TeamFenaka pic.twitter.com/18P3hsdRYV
— Fenaka Corporation Ltd (@TeamFenaka) April 23, 2024
ކޮންޓްރޯލު މޮޑިއުލް އަނދައިގެން ކަރަންޓު ކެނޑުނު މައްސަލަ ހައްލު ކުރި ފަހުން ވެސް ދޭތެރެ ދޭތެރެއިން ކަރަންޓުގެ ޚިދުމަތް އެ ރަށުން މެދު ކެނޑިފައިވެއެވެ. ދޭތެރެ ދޭތެރެއިން ކަރަންޓު ކެނޑޭތީ ސްޓެލްކޯގެ އިތުރު ޓީމެއް ވެސް އެ ސިޓީއަށް ފޮނުވިއެވެ.
ދޭތެރެ ދޭތެރެއިން ބައެއް ރަށްތަކުން ކަރަންޓު ކެނޑުމުގެ މައްސަލަތައް ދިމާވާއިރު އެ މައްސަލަތައް ހައްލުކުރުމަށް ސަރުކާރުން ދަނީ ގިނަ މަސައްކަތްތަކެއް ކުރަމުންނެވެ.
