ރައްޔިތުން މަޖިލީހުގެ މަހިބަދޫ ދާއިރާގެ މެމްބަރު އަހްމަދު ޠާރިގު (ޓޮމް) ރަހީނުކޮށްފައިވާ ކަމަށް ނައިފަރު ދާއިރާގެ މެމްބަރު އަހްމަދު ޝިޔާމް ވިދާޅުވެއްޖެއެވެ.
ޝިޔާމް މިރޭ ކުރެއްވި ޓްވީޓެއްގައި ވިދާޅުވީ ފައިސާ ބަރާކޮށް އަރުވައިގެން ދުއްްވި ސްޓެލްކޯގެ ލޯންޗެއް ބަނދަރަށް ލެފުމުން އެ ދާއިރާގެ މެމްބަރު ޓޮމް ސަލާން ގޮވާ ލޯންޗަށް އެެރުމުން ވާ މޮހާލާ ލޯންޗް ޓޮމް ގޮވައިގެން ގޮސްފައިވާ ކަމަށެވެ.
އަދި އޭނާ ކަނޑުމަތީގައި ރަހީނުކޮށްފައިވާ ކަމަށް ޝިޔާމް ވިދާޅުވިއެވެ.
Faisaa baraakoh aruvaigen dhuvvi STELCO launcheh Mahibadhoo bandharuga jesseema Dhaairaage MP @AhmedThaariq salaan govaa launch ah erumun vaa mohaalaa launch vanee Tom govaigen nattaala Tom kandumathee raheenukofai. @PoliceMv @MNDF_Official @ElectionsMv
— Ahmed Shiyam (@Shiyamaldives) September 8, 2023
މިކަމާ ގުޅޭގޮތުން ޕީޕީއެމްގެ އިސް ތަރުޖަމާން ހީނާ ވަލީދު ވިދާޅުވީ މިކަން މިހާރު ފުލުހުންގެ ސަމާލު ކަމަށް ގެނެސްފައިވާ ކަމަށެވެ.
ހީނާ ވިދާޅުވީ މިރޭ އެކި ރަށްރަށުގައި އެމްޑީޕީގެ ގްރޫޕްތަކުން ލާރި ބަހަމުންދާ ކަމުގެ މައުލޫމާތުވެސް ލިބެމުންދާ ކަމަށެވެ. އަދި މިކަންވެސް ކަމާ ބެހޭ ފަރާތްތަކަށް ރިޕޯޓް ކުރެވެމުންދާ ކަމަށް ހީނާ ވިދާޅުވިއެވެ.
މިކަމާ ގުޅިގެން ފުލުހުންގެ ބަހެއް އަދި ނުލިބެއެވެ.
ފަހުން ހީނާ ވިދާޅުވީ، އެ ލޯންޗުން ޓޮމް އާ އެކީ ތިބި މީހުން މަހިބަދޫއަށް ބާލާފައިވާ ކަަމަށެވެ. އޭނާ މިގޮތަށް ވިދާޅުވީ، 1:09 ހާއިރުއެެވެ. އަދި ލޯންޗްގައި ފައިސާ ހުރިކަން ޓޮމްއަށް ޔަގީން ވާތީ އެ ވާހަކަ ދެއްކުމުން ފުލުހުން އަޅާ ނުލި ކަމަށްވެސް ހީނާ ވިދާޅުވިއެވެ
