ގެދޮރު އިމާރަތްކުރުމާއި މަރާމާތުކުރުމަށް ޑިމާންޑު އިތުރުވަމުން ދިއުމާ ގުޅިގެން ބޭންކް އޮފް މޯލްޑިވްސް (ބީއެމްއެލް) އިން ހޯމް ބިލްޑިންގް ލޯނާއި ހޯމް އިކުއިޓީ ލޯނެއް މިއަދު ތައާރަފްކޮށްފި އެވެ.
އެއްވެސް ރަހުނަކާ ނުލައި އެއް މިލިއަން ރުފިޔާއާ ހަމައަށް ހޯމް ބިލްޑިންގް ލޯނު ނެގޭނެ އެވެ. ލޯނު އަނބުރާ ދެއްކުމަށް 15 އަހަރުގެ މުއްދަތެއް ލިބޭއިރު، މިއީ ގެދޮރު މަރާމާތުކުރުމަށާއި ރާއްޖޭގެ ކޮންމެ ސަރަހައްދެއްގައި ވެސް ގެދޮރު ހަދަން ބޭނުން ކުރެވޭނެ ލޯނެކެވެ.
Bank of Maldives
If you are in Male’ you can make an appointment through our Appointment Portal and arrange a time to visit our BML Loan Center located in Male.
ހޯމް ބިލްޑް ލޯނާއި ގުޅޭ އިތުރު މައުލޫމާތު މި ލިންކުގައި.
މި ލޯނުގެ އިންޓްރެސްޓު ރޭޓަކީ ނުވަ ޕަސެންޓެވެ.
ހޯމް އިކުއިޓީ ލޯނަކީ ހޯމް ލޯނާއި ފައިނޭންސިން ނަގާފައިވާ ކަސްޓަމަރުންނަށް އަމާޒުކޮށް ތައާރަފްކުރި ލޯނެކެވެ. ކަސްޓަމަރުން ނަގާފައިވާ ލޯނަށް ދައްކާފައިވާ އަދަދާ ހަމައަށް ހޯމް އިކުއިޓީ ލޯނު ބީއެމްއެލް އިން ދޫކުރާނެ އެވެ.
ހޯމް އިކުއިޓީ ލޯނު ދޫކުރަނީ 50،000ރ. އަށް ވުރެ މަތީ އަދަދަކުން ލޯނު ނަގާ މީހުންނަށެވެ. މި ލޯނު އަނބުރާ ދެއްކުމަށް 20 އަހަރުގެ މުއްދަތެއް ލިބޭނެ އެވެ. މިހާރު ހޯމް ފައިނޭންސިން ނަގާފައިވާ ކަސްޓަމަރުންނަށް އެ ލޯނު ދޫކުރާނީ 10 ޕަސެންޓުގެ ރޭޓުގަ އެވެ.
Bank of Maldives
If you are in Male’ you can make an appointment through our Appointment Portal and arrange a time to visit our BML Loan Center located in Male.
ހޯމް އިކުއިޓީ ލޯންއާ ގުޅޭ އިތުރު މައުލޫމާތު މި ލިންކުގައި.
ބީއެމްއެލްގެ ޑައިރެކްޓަ އޮފް ރީޓެއިލް އެންޑް އެސްއެމްއީ ބޭންކިން މޫސާ ނިމާލް ވިދާޅުވި ގޮތުގައި މި ލޯނަކީ ކަސްޓަމަރުންނަށް ފަސޭހައިން ގެދޮރު ހެދުމަށް އެހީތެރިވުމުގެ ގޮތުން ތައާރަފްކުރި ލޯނެވެ.
އަލަށް ތައާރަފްކުރި ހޯމް ބިލްޑް ލޯނު ނަގަން އިތުރު ރަހުނެއް ބޭނުންނުވާއިރު، ކަސްޓަމަރުންނަށް މިހާރުގެ މާކެޓްގައި އެންމެ ރަނގަޅު އަގުގައި ގެދޮރު ހެދުމާއި މަރާމާތުގެ މަސައްކަތް ކުރެވޭނެ ކަމަށް އޭނާ ވިދާޅުވި އެވެ.
