ރައީސް އޮފީހުގެ މިނިސްޓަރު، އާދަމް ރަމީޒު މަގާމުން ވަކި ކޮށްފި އެވެ.
ރަމީޒު މިއަދު މަގާމުން ވަކިކުރިކަން ރައީސް އޮފީހުގެ އޮފިޝަލަކު ވަނީ ކަށަވަރުކޮށްދެއްވައިފައެވެ.
ރައީސް އޮފީހުން ބަލަމުންދާ މައްސަލައަކާ ގުޅިގެން މިދިޔަ ޖޫން 27، އިން ފެށިގެން ރަމީޒު ހުންނެވީ ސަސްޕެންޝަނުގަ އެވެ. ނަމަވެސް އެއީ ކޮން މައްސަލައެއް ހާމައެއް ނުކުރެއެވެ.
ރަމީޒު މަގާމުން ވަކި ކޮށްފައިފައިވާއިރު، އޭނާގެ ކުރީގެ އަނބިކަނބަލުން އަދި އެންވަޔަރަމެންޓު މިނިސްޓަރީގެ ސްޓޭޓު މިނިސްޓަރު ފާތިމަތު ޝަމްނާޒު ރައީސް މުއިއްޒުއާ "ގާތްވުމަށް" ސިހުރު ހެދިކަމަށް ބުނާ މައްސަލައެއްގައި ހައްޔަރުކޮށްފައިވެއެވެ. ނަމަވެސް ފަހުން އޭނާ ވަނީ ދޫކޮށްލައިފައެވެ. އަދި އޭނާއަށް ދައުވާ ނުކުރަންވެސް ވަނީ ނިންމައިފައެވެ.
އާދަމް ރަމީޒަކީ، ރައީސްއާ ވަރަށް އަރިހުގައި އުޅުއްވި ބޭފުޅެކެވެ.
