އައްޑޫސިޓީ މަރަދޫ ދާއިރާގައި މިނިވަން މެމްބަރެއްގެ ގޮތުގައި ހުންނެވި ކައުންސިލަރ އަޙްމަދު ނާދިރު އެމްޑީޕީއަށް ސޮއިކޮށްފިއެވެ.
އެމްޑީޕީގެ އިސްލީޑަރ އަދި އެޕާޓީގެ ރިޔާސީ ކެނޑިޑޭޓް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހް މިހާރު އައްޑޫ ސިޓީއަށް ކުރައްވަމުން ގެންދަވާ ދަތުރުފުޅުގެ ތެރެއިން މިއަދު ވަނީ އައްޑޫސިޓީ ފޭދޫ އެމްޑީޕީ އޮފީސް ހުޅުވާދެއްވާފައެވެ. އަދި އައްޑޫ ސިޓީ ހިތަދޫ އެމްޑީޕީ މައި ހަރުގެވެސް އެމަނިކުފާނު މިއަދު ހުޅުއްވާދެއްވެވިއެވެ.
ހިތަދޫ އެމްޑީޕީ ހަރުގެ ހުޅުވުމަށް ބޭއްވި ރަސްމިއްޔާތުގައި މަރަދޫ ދާއިރާގެ ކައުންސިލްގައި ހިމެނިވަޑައިގެންނަވާ އަޙްމަދު ނާދިރު ވަނީ އެމްޑީޕީއަށް ސޮއިކޮށްފައެވެ. އޭނާ މިހާތަނަށް ހުންނެވީ އެއްވެސް ޕާޓީއަކާއި ގުޅިވަޑައިނުގެން މިނިވަން މެމްބަރެއްގެ ގޮތުގައެވެ.
Addu City Councilge Maradhoo dhaairaage Councilor Ahmed Nadir MDP ah soe kuravvaifi. pic.twitter.com/yOD6zYjrzu
— MDP Secretariat (@MDPSecretariat) June 4, 2023
އައްޑޫ ސިޓީގެ އެކި ދާއިރާތަކުން އެމްޑީޕީއާއި ގުޅުނު ގިނަ އަދަދެއްގެ މެމްބަރުންގެ ފޯމްތައް މި ރަސްމިއްޔާތުގައި ވަނީ ޕާޓީއާ ހަވާލުކޮށްފައެވެ. މި ފޯމްތަކާއި ޕާޓީގެ ފަރާތުން ހަވާލުވެވަޑައިގަތީ އެމްޑީޕީގެ އިސްލީޑަރު ރައީސުލްޖުމްހޫރިއްޔާ އިބްރާޙިމް މުޙައްމަދު ޞާލިހާއި ޕާޓީގެ ޗެއަރޕަރސަން ފައްޔާޒް އިސްމާޢީލްއެވެ.