ފަރަށް އަރާފައި ވަނީ މާލެ އިން ގދ. ފަރެސްމާރޮޑާއަށް ދަތުރުކުރަމުން ދިޔަ "ރޯޝަނީ" ނަމަކަށް ކިޔާ ބޯޓޭކެވެ. ރޭ ގާތްގަނޑަކަށް 10 ޖަހާއިރު އެ ވޯޓު ފަރަށް އެރުމާއެކު އެމްއެންޑީއެފުން ދަނީ އެހީތެރިކަން ފޯރުކޮށްދެމުންނެވެ. އެ ބޯޓު ފަރަށް އަރާފައި ވަނީ ވ. އަތޮޅު ފުލިދުއާއި ތިނަދުއާ ދޭތެރޭ އޮންނަ ފަރަކަށެވެ.
އެމްއެންޑީއެފުން ބުނީ އެ ބޯޓުގައި ތިބީ 16 މީހުން ކަމަށެވެ.
"ބޮޑު ދިޔައިގައި ކަފު ޖަހާނެ ބޯޓެއް އައުމާއެކު ފުންކުރުމުގެ މަސައްކަތް ފެށުމަށް ވަނީ ހަމަޖެހިފައި. މީހުންގެ ހާލު ރަގަޅު،" އެމްއެންޑީއެފް އިން ބުންޏެވެ.
އިތުރަށް ބުނީ ފުންކުރުމުގެ މަސައްކަތް ކުރާނީ ފާސްޓް އިންސްޕެކްޓާ ކްރާފްޓް ޑައިވަރުންގެ ވެސް އެހީތެރިކަމާ އެކު ކަމަށެވެ.
