އުރީދޫ ހައްޖު ސިމުން ޑިސްކައުންޓް!

Thu, 08 Jun 2023 09:09 PM

View on this article on Hoara Online

އުރީދޫ ހައްޖު ސިމުން ޑިސްކައުންޓް!
މި އަހަރު ހައްޖުގެ އަޅުކަން އަދާކުރުމަށް ސައޫދީ އަރަބިއްޔާއަށް ދަތުރުކުރާ އުރީދޫގެ ކަސްޓަމަރުންނަށް ރޯމިން ރޭޓުން %90 އާއި ހަމައަށް ޑިސްކައުންޓް ލިބޭ ހައްޖު ސިމް އަދި ސައުދީ އަރަބީއްޔާއަށް ހާއްސަ ރޭޓެއްގައި ގުޅާލެވޭ އައިއީޑީ ޕެކް އުރީދޫއިން ތަޢާރަފް ކޮށްފިއެވެ.

"ހައްޖުގެ މަތިވެރި އަޅުކަން އަދާކުރުމަށް މިއަހަރު ސައުދީ އަރަބިއްޔާއަށް ދަތުރުކުރާ ކަސްޓަމަރުން އާއިލާ އާއި ރައްޓެހިންނާއި ފަސޭހަކަމާއެކު ގުޅާލުމުގެ ފުރުސަތު ފަހިކޮށްދިނުމަކީ އަޅުގަނޑުމެންނަށް ލިބޭ ވަރަށް ބޮޑު އުފަލެއް،" އުރީދޫ މޯލްޑިވްސްގެ ހެޑް އޮފް ބްރޭންޑް އެންޑް މާކޮމްސް ނޫރާ އިބްރާހިމް ޒާހިރު ވިދާޅުވި އެވެ.

އުރީދޫގެ އޮފާތައް މެދުވެރިކޮށް ކަސްޓަމަރުންނަށް އިތުރު ހާސްކަމެއް ނެތި ހެޔޮ އަގެއްގައި ދަތުރުވެރިންނަށާއި އެބޭފުޅުންގެ އާއިލާއަށް އާއިލާ ފަސޭހަކަމާއެކު އިންޓަނެޓް މެދުވެރިކޮށް އަދި ފޯނުންވެސް ގުޅާލެވޭނެކަން ފާހަގަކުރައްވާ، މި އަހަރު ހައްޖަށް ފުރާވަޑައިގަންނަވާ ހުރިހާ ހައްޖާޖީންނަށް މަބްރޫރު ހައްޖަކަށް އެދޭ ކަމަށްވެސް ނޫރާ ވިދާޅުވި އެވެ.

ސައުދީ އައިޑީޑީ ޕެކް

ސައުދީ އައިޑީ ޕެކްއިން، ސައުދީގައި ތިބޭ ހައްޖާޖީންނަށް ގުޅުމަށް އެންމެ 150 ރުފިޔާއަށް 100 ސައުދީ އައިޑީޑީ މިނެޓާއި 1 ޖީބީ ސޯޝަލް ޑޭޓާ (ވައިބާ، ވަޓްސްއެޕް، އައިއެމްއޯ) ލިބޭނެއެވެ. ޕޯސްޓްޕެއިޑް އަދި ޕްރީޕެއިޑް ކަސްޓަމަރުންނަށް ވެސް، އުރީދޫ އެޕް މެދުވެރިކޮށް ނުވަތަ "SD150" ޖެހުމަށް ފަހު 1111އަށް އެސްއެމްއެސް ކުރުމުން މި ޕެކް އެކްޓިވޭޓް ކުރެވޭނެއެވެ.

ޙައްޖު ސިމް

ހައްޖުވެރިންނަށް ޚާއްސަ މި ސިމް މެދުވެރިކޮށް ރޯމިން ރޭޓުން 90 ޕަސެންޓާ ހަމައަށް ޑިސްކައުންޓް ލިބޭއިރު، ކަސްޓަމަރުންނަށް ރޯމިންގް ވޮއިސް، ޑޭޓާ އަދި އެސްއެމްއެސް އެންމެ ހެޔޮ އަގުގައި ބޭނުންކުރެވޭނެއެވެ. ޕޯސްޓްޕެއިޑް ކަސްޓަމަރުންނަށް ލިބޭ މި ޚާއްސަ ސިމް، އެމީހަކު މިހާރު ގެންގުޅޭ ސިމް ކާޑު އަޕްގްރޭޑް ކުރުމުން ލިބޭނެެވެ. ގްރޭޓާ މާލެ އުރީދޫ އެކްސްޕީރިއަންސް ސެންޓަރު (އޯއީސީ)ތަކުން މި ޚިދުމަތް ލިބޭނެއެވެ.

ސެލްފް ކެއާ ޕޯޓަލް my.ooredoo.mv މެދުވެރިކޮށް ނުވަތަ އުރީދޫ އެކްސްޕީރިއަންސް ސެންޓަރަކަށް ޒިޔާރަތްކޮށްގެން ކަސްޓަމަރުންނަށް ރޯމިންގެ ޚިދުމަތް އެކްޓިވޭޓް ކުރެވޭނެ އެވެ. އަދި #6*929* އަށް ގުޅައިގެން ވެސް ޑޭޓާ ރޯމިން ސާވިސް އެކްޓިވޭޓް ކުރެވޭނެއެވެ.

މީގެ އިތުރުން، ދަތުރުކުރުމުގެ ކުރިން ސިމް އެޕްލިކޭޝަން ސެޓިން "އޮޓޮމެޓިކް" އަށް ސެޓްކޮށްލުމުން ކަސްޓަމަރުންނަށް ސައުދީ އަރަބިއްޔާގައި ރޯމިންގެ ހިދުމަތް ބޭނުންކުރެވޭނެ ކަމަށް އުރީދޫއިން ބުންޏެވެ. ހައްޖު ސިމް އެކްޓިވޭޓް ކުރުމަށްފަހު ޕްރީޕެއިޑް ޕްލޭނަކަށް ނުވަތަ ބިލް ކޮންޓްރޯލް ޕޯސްޓްޕެއިޑްއަކަށް ބަދަލުކުރަން ބޭނުންވާ ކަސްޓަމަރުންނަށް އެ ފުރުސަތު ދޭނެކަން ވެސް އުރީދޫއިން ފާހަގަކުރިއެވެ.




More from Hoara Online