އެމްއާރުއެމް އުވާލަން އިލެކްޝަނުން ނިންމީ ސިޔާސީ ޕާޓީތަކުގެ ގާނޫނުގައި ބުނާ 3،000 މެމްބަރުން ހަމަ ނުވެގެނެވެ. އެ ގޮތަށް ނިންމުން އައުމާއެކު މައްސަލަ ކޯޓަށް ހުށަހެޅީ އެމްއާރުއެމްގެ ފަރާތުންނެވެ. އެ ޕާޓީން ބުނާ ގޮތުގައި އެމްއާރުއެމް އުވާލަން ނިންމާފައި ވަނީ 3،000 މެމްބަރުން ހަމަ ކޮށްފައި ވަނި ކޮށެވެ.
ސިވިލް ކޯޓުގެ ގާޒީ ފަރުހާދު ރަޝީދު ސޮއިކުރައްވައި އިއްޔެ ނެރުއްވި އަމުރުގައި، އީސީގެ ނިންމުމަށް އަމަލުކުރުން 30 ދުވަހުގެ މުއްދަތަކަށް މަޑުޖައްސާލުމަށް އިއްޔެ އަންގާފައިވެ އެވެ.
ކުރީގެ ރައީސް މައުމޫން އަބްދުލްގައްޔޫމް އިސްވެ އުފެއްދެވި އަދި އެމަނިކުފާނުގެ ދަރިކަލުން ފާރިސް މައުމޫން ރައީސަކަށް ހުންނެވި އެމްއާރްއެމް އުވާލަން ނިންމީ މެންބަރުން ހަމަ ނުވުމުގެ ސަބަބުން ނޯޓިސް ވެސް ދިނުމަށް ފަހުގަ އެވެ.
އެމްއާރުއެމް އިން ބުނީ މި މައްސަލައިގައި އަދުލުއިންސާފު ގާއިމުކުރެވޭނެ ކަމަށް އެ ޕާޓީން އަބަދުވެސް ޔަގީންކުރާ ކަމަށެވެ.
"އެހެންކަމުން އެމްއާރުއެމްގެ މަސައްކަތްތައް ކުރިއެކޭ ވެސް ކުރިއަށް ގެންދިޔުމަށް ހުރިހާ ގޮފިތަކާއި ކޮމެޓީތަކާއި އަދި އެންމެހާ މެންބަރުންނަށް ދަންނަވަން،" ބަޔާނުގައިވެއެވެ.