ކުޅުދުއްފުށި ސިޓީގެ ތިން ޖަނަރޭޓަރަކަށް ދިމާވި މައްސަލައަކާ ގުޅިގެން އެ ރަށުން ކަރަންޓު ކެނޑިއްޖެއެވެ.
ފެނަކަ ކޯޕަރޭޝަނުން ބުނީ ކުޅުދުއްފުށީގެ ޓްރާންސްފޯމަރަކަށް ދިމާވި މައްސަލައަކާ ގުޅިގެން ތިން ޖަނަރޭޓަރެއްގެ ކޮންޓްރޯލް މޮޑިއުލް އަނދާފައިވާ ކަމަށެވެ.
އެކަމާ ގުޅިގެން މިއަދު ހެނދުނު 9:15 ހާއިރު މުޅި ރަށުން ކަރަންޓު ކެނޑިފައިވާއިރު، މައްސަލަ ހައްލު ކުރުމަށް މިހާރު މަސައްކަތް ކުރަމުންދާ ކަމަށް ފެނަކައިން ބުންޏެވެ.
ފެނަކައިން ބުނި ގޮތުގައި، މުޅި ރަށަށް އަލުން ކަރަންޓުގެ ހިދުމަތް ދެވޭނެ ކަމަށް ބެލެވެނީ މިއަދު 18:00 ހާއިރު ކަމަށެވެ.
އެ ކުންފުނިން ވަނީ މިކަމާ ގުޅިގެން ދިމާވާ ދަތިތަކަށް ރައްޔިތުންގެ ކިބައިން މައާފަށް އެދިފައެވެ.
