އެމްއޭސީއެލްގެ މެނޭޖިންގ ޑިރެކްޓަރު އިބްރާހިމް ޝަރީފްގެ ވެހިކަލް ވަގަށް ނެގި މައްސަލައިގައި ބަޔަކު ހައްޔަރުކޮށްފިއެވެ.
ފުލުހުން މިއަދު ބުނީ އެމްއޭސީއެލްގެ އުޅަނދެއް ގެއްލިފައިވާ މައްސަލަ ފުލުހުންނަށް ރިޕޯޓުކޮށްފައިވާ ކަމަށެވެ.
އަދި މި މައްސަލައިގައި ތުހުމަތުކުރެވޭ ބަޔަކު ހައްޔަރުކޮށްފައިވާ ކަމަށާއި މައްސަލަ ތަހުގީގުކުރަމުންދާ ކަމަށެވެ.
އެނގިފައިވާ ގޮތުން މި މީހުން ހައްޔަރުކުރީ އެމްއޭސީއެލްގެ މެނޭޖިންގ ޑިރެކްޓަރު އިބްރާހިމް ޝަރީފްގެ ވެހިކަލް ވަގަށް ނެގި މައްސަލައިގައެވެ.
ޝަރީފުގެ ވެހިކަލް ވަގަށް ނެގި މައްސަލަ ފެންމަތިވީ މީގެ ހަފުތާއެއް ކުރިންނެވެ.