ގދ. ފަރެސްމާތޮޑާއަށް ދަތުރުކުރަނިކޮށް ރޭ ފަރަށް އެރި ބޯޓު ފުންކޮށްފިއެވެ.
ފަރަށް އަރާފައިވަނީ މުދާ ބަރުކޮށްގެން، 16 މީހުންނާ އެކު މާލެއިން ގދ. ފަރެސްމާތޮޑާއަށް ދަތުރުކުރަމުންދިޔަ ”ރޯޝަނީ“ ބޯޓެވެ.
އެމްއެންޑީއެފްއިން ބުނެފައިވަނީ ”ރޯޝަނީ“ ބޯޓް މިއަދު 11:10 ހާއިރު ފުންކުރެވިފައިވާ ކަމަށެވެ.
މި ބޯޓް ފުންކުރުމުގެ މަސައްކަތުގައި އެމްއެންޑީއެފްގެ ކޯސްޓްގާޑްގެ ޑައިވަރުންނާއެކު ބޯޓުގެ ފަޅުވެރިން ހަރަކާތްތެރިވެފަައިވާ ކަމަށްވެސް އެމްއެންޑީއެފްއިން މައުލުމާތުދެއެވެ.
މި ހާދިސާގައި ބޯޓަށް ލިބިފައިވާ ގެއްލުމުގެ ތަފްސީލެއް އަދި ނުލިބެއެވެ.
