މިއަދު ބޭއްވި 06 ބައި-އިލެކްޝަނުގެ ތެރެއިން 04 ބައި-އިލެކްޝަން ސަރުކާރު ހިންގާ މައި ޕާޓީ ޕީއެންސީއިން ކާމިޔާބުކޮށްފިއެވެ.
މިއަދު ބާއްވައިފައިވަނީ މ.މަޑުއްވަރީ ކައުންސިލްގެ ރައީސް، ހއ.އުތީމު، ނ. ލަންދޫ، ނ. ވެލިދޫ ކައުންސިލްގެ މެންބަރު އަދި ހއ.ތަކަންދޫ، ރ. އިންނަމާދޫ ކައުންސިލްގެ އަންހެން މެންބަރު އިންތިޚާބު ކުރުމުގެ ބައި-އިލެކްޝަންތަކެވެ.
މީގެތެރެއިން އުތީމާއި ތަކަންދުއާއި ވެލިދުއާއި އިންނަމާދޫގެ ކައުންސިލުގެ މެންބަރުކަމުގެ ގޮނޑި ހޯދީ ޕީއެންސީއިންނެވެ.
މަޑުއްވަރީ ކައުންސިލްގެ ރައީސް ބައި-އިލެކްޝަން ކާމިޔާބުކުރީ ދަ ޑިމޮކްރެޓްސްއިންނެވެ. އަދި ލަންދޫ ކައުންސިލްގެ މެންބަރު ހޮވުމަށް ބޭއްވި އިންތިޚާބު ކާމިޔާބުކުރީ އެމްޑީޕީއިންނެވެ.
