ބޮޑުތަކުރުފާނު މަގު، ދަތުރުވެރިންގެ މާރުކޭޓް ކުރިމަތީ މުދާ ބަހައްޓައިގެން ވިއްކަމުން ދިޔަ ފަރާތެއް ހުއްޓުވައިފި އެވެ.
މާލޭ ސިޓީ ކައުންސިލްގެ މީޑިއާ އޮފިޝަލު "ދެން"އަށް ވިދާޅުވީ އެ ތަނުގައި އެއްޗެތި ބަހައްޓައިގެން މުދާ ވިއްކަމުން ދިޔައީ ދިވެއްސެއް ކަމަށެވެ.
އެހެން ނަމަވެސް އެއީ ގަވައިދާ ހިލާފަށް ކުރާ ކަމަކަށްވާތީ ޖޫރިމަނާކޮށް އެކަން ހުއްޓުވީ ކަމަށް ވެސް މީޑިއާ އޮފިޝަލު ވިދާޅުވި އެވެ.
މާލޭގައި އެކި ވައްކަންތައް ކޮށްގެން ހޯދައިފައި ހުންނަ ތަކެތި ދަތުރުވެރިންގެ މާރުކޭޓް ކުރިމަތީ ބަހައްޓައިގެން ވިއްކުމަކީ އާންމުކޮށް މިހާރު ހިނގަމުންދާ ކަމަށެވެ. އެކަން މާލޭ ސިޓީގެ މީޑިއާ އޮފިޝަލުވެސް ފާހަގަ ކުރެއްވި އެވެ.
އެތަނުގައި އެފަދަ ތަކެތި އާންމުކޮށް ހުންނަނީ އިންތިހާއަށް އަގުހެޔޮ ކޮށެވެ.
އެހެން ނަމަވެސް ފުލުހުން އެކަމާ މެދު މާބޮޑު ފިޔަވަޅެއް ނާޅަ އެވެ.
ނަމަވެސް ދޭތެރެ ދޭތެރެއިން ސިޓީ ކައުންސިލްއިން އެފަދަ ފަރާތްތައް ހުއްޓުވައި ފިޔަވަޅު އެޅިނަމަވެސް އަނެއްކާވެސް ހަމަ އެގޮތަށް އެކަން ކުރަމުންދާތަން ދަނީ ފެންނަމުން ނެވެ.
